საქართველოს საგზაო ინფრასტრუქტურის განვითარების ძირითად პროექტებსა და მოვლა-შენახვის ღონისძიებებს საერთაშორისო და შიდასახელმწიფოებრივი მნიშვნელობის გზებზე ინფრასტრუქტურის სამინისტროს კოორდინაციით, საავტომობილო გზების დეპარტამენტი ახორციელებს.

დეპარტამენტის ბალანსზე, დღეისთვის, საერთაშორისო მნიშვნელობის 1517 კმ. და შიდასახელმწიფოებრივი მნიშვნელობის 5570 კმ. გზები ირიცხება.

საერთაშორისო მნიშვნელობის საგზაო ქსელიდან განსაკუთრებით მაღალი ინტენსივობით გამოირჩევა E60 (ფოთი-თბილისი-წითელი ხიდი) და E70 (ფოთი-ბათუმი-სარფი) სატრანზიტო მაგისტრალები. 

გამოირჩევა ასევე E117 ევროპული მარშრუტი, რომელიც ჩრდილოეთ-სამხრეთის დერეფნის შემადგენელი, საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის ნაწილია. 

საავტომობილო გზების დეპარტამენტი საგზაო ქსელს აქტიურად ავითარებს კახეთის მიმართულებითაც.